நிலவில் நீர் இருப்பதை சந்திராயன் 2 உறுதி செய்யும்: மயில்சாமி அண்ணாதுரை

நிலவில் நீர் இருப்பதை சந்திராயன் 2 உறுதி செய்யும் என, விஞ்ஞானி மயில்சாமி அண்ணாதுரை தெரிவித்துள்ளார்.

சேலம் ஓமலூர் அருகே தனியார் பள்ளி நிகழ்ச்சியில் பங்கேற்க வந்த அவர் செய்தியாளர்களுக்கு பேட்டி அளித்தார். நிலவில் நிர் இருப்பதற்கான ஆதாரங்களை பல்வேறு நாடுகளின் செயற்கைகோள்கள் கண்டறிந்த போதும், இந்தியாவின் சந்திரயான்-1 தான், அதை தெளிவுபடுத்தியதை சுட்டிக் காட்டினார். அடுத்த மாதம் செலுத்த இருக்கும் சந்திரயான் 2 விண்கலம், இந்திய விண்வெளி வரலாற்றில் புதிய மைல் கல்லாக இருக்கும் என்று அவர் குறிப்பிட்டார்.