திண்டுக்கல் மாவட்டம் பஞ்சம்பட்டியில் மாநில அளவிலான மகளிர் ஹாக்கி போட்டி நடைபெற்றது.
ஒருங்கிணைந்த திண்டுக்கல் மாவட்ட ஹாக்கி கழகம் சார்பில், மாநில அளவிலான ஹாக்கி போட்டி பஞ்சம்பட்டி அரசு மேல்நிலைப்பள்ளியில் நடைபெற்றது. இதில், சென்னை, தஞ்சாவூர், திருச்சி, திண்டுக்கல், தேனி, சேலம், ஈரோடு, உள்ளிட்ட தமிழகத்தின் பல்வேறு பகுதிகளில் இருந்து பெண்கள் அணியினர் கலந்து கொண்டனர். இறுதிப் போட்டியில் ஈரோடு ஹாக்கி அணியும் சேலம் ஹாக்கி அணியும் மோதின. இதில் போட்டி சமனில் முடிந்ததால், ஒட்டுமொத்தமாக அதிக புள்ளிகள் பெற்ற அணி என்ற அடிப்படையில் ஈரோடு அணி முதலிடத்தை பெற்றது. இதையடுத்து நடைபெற்ற பரிசளிப்பு விழாவில் திண்டுக்கல் மாவட்ட காவல்துறை கண்காணிப்பாளர்,வெற்றிபெற்ற அணியினருக்கு சுழற் கோப்பைகளையும் பரிசுகளையும் வழங்கினார்.
Discussion about this post