வறுமையை அரசியல் ஆயுதமாக காங்கிரஸ் பயன்படுத்துகிறது: பிரதமர் மோடி

மத்தியில் பாஜகவால் மட்டுமே வலிமையான அரசை அமைக்க முடியும் என்று பிரதமர் மோடி தெரிவித்துள்ளார். ஒடிசாவில் உள்ள மக்களவை தொகுதிகளில் பாஜக சார்பில் போட்டியிடும் வேட்பாளர்களை ஆதரித்து பிரதமர் மோடி பிரசாரம் மேற்கொண்டார். மக்கள் மத்தியில் உரையாற்றிய மோடி, ஒடிசா மற்றும் மத்தியில் நேர்மையான அரசு அமைய வேண்டுமா அல்லது ஊழல் அரசு அமைய வேண்டுமா என்பதை மக்களே முடிவு செய்யட்டும் என்று கூறினார்.

பாஜக என்பது தொண்டர்களின் வியர்வையால் உருவான கட்சி என்று பெருமிதத்துடன் குறிப்பிட்ட மோடி, வறுமையை ஒழிப்போம் என்று காங்கிரஸ் கட்சி பல தலைமுறையாக கூறிவருவதாக விமர்சித்தார். வறுமையை மிகப்பெரிய அரசியல் ஆயுதமாக காங்கிரஸ் பயன்படுத்தி வருவதாகவும் அவர் குற்றம் சாட்டினார்.