மக்களவைத் தேர்தலுக்கான வேட்புமனுத் தாக்கல் கடந்த 19ஆம் தேதி தொடங்கிய நிலையில் இதுவரை 193 பேர் வேட்புமனுக்கள் தாக்கல் செய்துள்ளனர்.
161 ஆண்களும் 32 பெண்களும் வேட்பு மனுக்கள் தாக்கல் செய்தனர். தேனி மக்களவைத் தொகுதியில் அதிமுக வேட்பாளர் ரவீந்திரநாத், தென் சென்னை தொகுதியில் அதிமுக வேட்பாளர் ஜெயவர்தன், மத்திய சென்னை தொகுதியில் பாமக வேட்பாளர் சாம்பால், வடசென்னை தொகுதியில் தேமுதிக வேட்பாளர் அழகாபுரம் மோகன்ராஜ் உள்ளிட்ட அதிமுக மற்றும் கூட்டணி கட்சி வேட்பாளர்கள் மனுத்தாக்கல் செய்துள்ளனர். கன்னியாகுமரி தொகுதியில் பொன் ராதாகிருஷ்ணன் வேட்பு மனுத்தாக்கல் செய்துள்ளார்.
இதேபோல் 18 சட்டப்பேரவைத் தொகுதிகளுக்கான இடைத்தேர்தலில் போட்டியிட இதுவரை 71 வேட்பு மனுக்கள் தாக்கல் செய்யப்பட்டுள்ளன. அதில், பெரம்பூர் தொகுதியில் அதிகபட்சமாக 9 மனுக்களும், பெரியகுளத்தில் 7 மனுக்களும் அளிக்கப்பட்டுள்ளன.
Discussion about this post