நகை வாங்குவது போல் நடித்து கொள்ளையில் ஈடுபட்ட வட மாநிலத்தவர்கள்

சென்னை வியாசர்பாடியில் நகை வாங்வது போல் நடித்து நூதன முறையில் நகைகளை கொள்ளையடித்து வந்த வட மாநிலத்தை சேர்ந்த நபரைக் காவல்துறையினர் கைது செய்தனர்

வியாசர்பாடி மற்றும் சுற்று வட்டாரப் பகுதிகளில் வட மாநிலத்தை சேர்ந்த கும்பல் ஒன்று நகை வாங்குவது போல் நடித்துநகைகளை கொள்ளையடுத்து செல்வதாக காவல்துறைக்கு தொடர்ச்சியாக புகார்கள் வந்தன.இந்நிலையில் வியாசர்பாடியில் உள்ள தனியார் நகைக் கடையில் நகை வாங்குவதற்காக மூன்று பேர் வந்துள்ளனர். அவர்களின் நடவடிக்கையால் சந்தேகமடைந்த கடை உரிமையாளர் உடனடியாக காவல்துறைக்கு தகவல் கொடுத்துள்ளார். இதையறிந்த கொள்ளையர்களில் இருவர் அங்கிருந்து தப்பிச் சென்று விட்டனர். எனினும் ஒருவர் காவல்துறையினரிடம் சிக்கினார். அவரிடம் நடத்தப்பட்ட விசாரணையில் பல நகைக் கடைகளில் அவர்கள் கைவரிசை காட்டியது தெரிய வந்தது. இதையடுத்து கடையில் பொருத்தப்பட்டிருந்த கண்காணிப்பு காமிரா பதிவுகளை ஆய்வு செய்த காவல்துறையினர் தப்பியோடிய கொள்ளையர்களைத் தேடி வருகின்றனர்.