இன்று 4வது ஒருநாள் போட்டி: தொடரை கைப்பற்றும் முனைப்பில் இந்திய அணி

இன்று நடைபெறும் 4வது ஒருநாள் கிரிக்கெட் போட்டியில் ஆஸ்திரேலியாவை வீழ்த்தி தொடரை கைப்பற்றும் முனைப்பில் இந்திய அணி வீரர்கள் உள்ளனர்.

ஆஸ்திரேலிய கிரிக்கெட் அணி இந்தியாவில் சுற்றுப்பயணம் மேற்கொண்டு 5 போட்டிகள் கொண்ட ஒரு நாள் தொடரில் விளையாடி வருகிறது. முதல் இரண்டு போட்டிகளில் இந்திய அணி வெற்றி பெற்று தொடரில் முன்னிலை வகித்து வந்த நிலையில், ராஞ்சியில் நடந்த 3 வது ஒரு நாள் போட்டியில், இந்திய அணி 32 ரன்கள் வித்தியாசத்தில் தோல்வியடைந்தது. இந்நிலையில், 4வது ஒருநாள் போட்டி சண்டிகாரில் இன்று மதியம் 1.30 மணிக்கு நடைபெறுகிறது. 2-1 என்ற கணக்கில் இந்தியா முன்னிலையில் இருப்பதால், இப்போட்டியில் வெற்றி பெற்று தொடரை கைப்பற்ற இந்திய வீரர்கள் தீவிரம் காட்டி வருகின்றனர். இதேபோல், தொடரை இழக்காமல் இருக்க ஆஸ்திரேலிய வீரர்கள் தீவிர பயிற்சியில் ஈடுபட்டுள்ள நிலையில், இப்போட்டி ரசிகர்களிடையே மிகுந்த எதிர்பார்ப்பை ஏற்படுத்தியுள்ளது.