பருத்தி விலை குறைவால் விவசாயிகள் வேதனை

ஈரோட்டில் கடந்த 3 வாரங்களில் இல்லாத அளவிற்கு பருத்தி விற்பனை சரிந்துள்ளதாக விவசாயிகள் வேதனை தெரிவித்துள்ளனர்.

ஈரோடு மாவட்டம் அந்தியூர் வட்டாரத்தில் பெரும்பாலான இடங்களில் பருத்தி சாகுபடி செய்யப்படுகிறது. புரட்டாசிப் பட்டம் சாகுபடி செய்துள்ள விவசாயிகள் கடந்த 3 வாரங்களாக அந்தியூர் வேளாண் ஒழுங்குமுறை விற்பனை கூடத்திற்கு கொண்டு வந்து ஏல முறையில் விற்பனை செய்யப்பட்டு வருகிறது. இதில் குறைந்தபட்ச விலை கிலோ ஒன்று 48 ரூபாய் 73 காசுகளுக்கும் , அதிகபட்ச விலையாக கிலோ ஒன்று 53 ரூபாய் 10 காசுக்கும் ஏலம் கூறப்பட்டுள்ளது. இந்நிலையில் கடந்த மூன்று வாரங்களை விட இந்த வாரம் விலை குறைவாக விற்பனையாகியுள்ளதாக விவசாயிகள் வேதனை தெரிவித்துள்ளனர். இவ்விலை தங்களுக்கு கட்டுப்படியாகாத நிலையில் உள்ளதாகவும் அவர்கள் கூறியுள்ளனர்.