மதுரை தோப்பூரில் ஆயிரத்து 264 கோடியில் அமையவுள்ள எய்ம்ஸ் மருத்துவமனைக்கு பிரதமர் நரேந்திர மோடி அடிக்கல் நாட்டினார். மதுரை தோப்பூரில் அமையவுள்ள எய்ம்ஸ் மருத்துவமனைக்கு அடிக்கல் நாட்டு விழா நடைபெற்றது. இதற்காக டெல்லியில் இருந்து தனி விமானம் மூலம் பிரதமர் நரேந்திர மோடி மதுரை விமான நிலையம் வந்தார். அங்கு அவருக்கு சிறப்பான வரவேற்பு அளிக்கப்பட்டது. பின்னர், மண்டேலா நகரில் அடிக்கல் நாட்டு விழா நடைபெறும், விழா மேடைக்கு வந்தார் .
அவருக்கு முதலமைச்சர் பழனிசாமி நினைவுப் பரிசு வழங்கி வரவேற்பு அளித்தார். தொடர்ந்து பிரதமர் மோடி எய்ம்ஸ் மருத்துவமனைக்கு அடிக்கல் நாட்டினார். இதையடுத்து, எய்ம்ஸ் மருத்துவமனையின் சிறப்பம்சங்கள் குறித்த வீடியோ திரையிடப்பட்டது.
நிகழ்ச்சியில் ஆளுநர் பன்வாரிலால் புரோஹித், துணை முதலமைச்சர் ஓ.பன்னீர்செல்வம். மக்களவை துணை சபாநாயகர் தம்பிதுரை, அமைச்சர்கள், அதிகாரிகள் கலந்து கொண்டனர்.
Discussion about this post