அலங்காநல்லூரில் நடைபெறும் ஜல்லிக்கட்டுப் போட்டியில் பங்கேற்கும் வீரர்களுக்கான முன்பதிவு தொடங்கியுள்ளது. ஏராளமான வீரர்கள் முன்பதிவு செய்ய ஆர்வமுடன் திரண்டு வருகின்றனர்.
பொங்கல் பண்டிகையை முன்னிட்டு மதுரை மாவட்டம் அலங்காநல்லூரில் வரும் 17ஆம் தேதி ஜல்லிக்கட்டுப் போட்டி நடைபெறவுள்ளது. இந்நிலையில், ஜல்லிக்கட்டு போட்டிக்கான வாடிவாசல் பகுதி மற்றும் பார்வையாளர்கள் அமரக்கூடிய பகுதிகளில் பணிகள் தீவிரமாக நடைபெற்று கொண்டிருக்கின்றன. இதையடுத்து, ஜல்லிக்கட்டுப் போட்டியில் பங்கேற்கும் மாடுபிடி வீரர்களுக்கான முன்பதிவு தொடங்கி நடைபெற்று வருகிறது. அலங்காநல்லூர் அரசு பெண்கள் மேல்நிலைப் பள்ளியில் நடைபெற்று வரும் முன்பதிவில், அதிகாலை முதல் ஏராளமான வீரர்கள் ஆர்வமுடன் முன்பதிவு செய்து வருகின்றனர்.
Discussion about this post