9 ஆண்டுகளுக்குப்பின் கைதுசெய்யப்பட்ட மதுரை நிதிநிறுவன மோசடி மன்னன்!

மதுரையில் நிதிநிறுவனம் நடத்தி பலகோடி ரூபாய் மோசடி செய்துவிட்டு தலைமறைவாக இருந்த நபர், 9 ஆண்டுகளுக்கு பின் கைது செய்யப்பட்டுள்ளார்.

பி.ஜி.மார்க்கெட்டிங் என்ற பெயரில் தணிகைமலை என்பவர் நிதி நிறுவனத்தை நடத்தி 170 பேரிடம் 3 கோடியே 70 லட்ச ரூபாயை மோசடி செய்ததாக கடந்த 2013-ம் ஆண்டு பொருளாதார குற்றத்தடுப்பு பிரிவில் வழக்குப்பதிவு செய்யப்பட்டது.

இந்த வழக்கில் தணிகைமலை தொடர்ந்து தலைமறைவாக இருந்துவந்த நிலையில் அவரை போலீசார் தேடி வந்தனர். அவருடைய ஆதார் கார்டு பயன்பாட்டை வைத்து திருமுல்லைவாயலில் பதுங்கியிருந்தவரைப் போலீசார் கண்டுபிடித்து கைது செய்தனர்.