நேபாளத்தில் கனமழையால் ஏற்பட்ட வெள்ளப்பெருக்கில் 43 பேர் பலியாகியுள்ளனர்.
கடந்த சில நாட்களாக நேபாளத்தில் தொடர்ந்து பலத்த மழை பெய்து வருகிறது. இதனால் நிலச்சரிவும் ஏற்பட்டுள்ளதால், இந்திய மீட்பு குழுவினர் அந்நாட்டிற்கு விரைந்துள்ளனர். மக்களை பாதுகாப்பான இடங்களுக்கு அழைத்துச் செல்ல தொடர் முயற்சிகள் மேற்கொள்ளப்பட்டு வருவதாக மீட்பு குழு அதிகாரிகள் தெரிவித்துள்ளனர்.
பலத்த மழையின் காரணமாக ஆங்காங்கே ஏற்பட்ட வெள்ளப்பெருக்கில், 43 பேர் உயிரிழந்துள்ளதாகவும், 24 பேர் மாயமாகியுள்ளதாகவும் தெரிவிக்கப்பட்டுள்ளது. மேலும் 20 பேர் கவலைகிடமான நிலையில் உள்ளதாக அதிகார பூர்வ தகவல்கள் வெளியாகியுள்ளன.