28 ஆண்டுகளாக இயங்கி வந்த காவிரி நடுவர்மன்றம் கலைப்பு… மத்திய அரசு அறிவிப்பு

நதி நீர் பிரச்னை, நீர் பங்கீடு உள்ளிட்ட விவகாரங்களுக்குத் தீர்வு காணும் வகையில், கடந்த 1990-ம் ஆண்டு காவிரி நடுவர் மன்றம் அமைக்கப்பட்டது. இந்நிலையில், கடந்த 2007-ம் ஆண்டு, காவிரி விவகாரம் தொடர்பாக நடுவர் நீதிமன்றம் இறுதித் தீர்ப்பை வழங்கியது. காவிரி நடுவர் மன்ற இறுதித் தீர்ப்பை செயல்படுத்தும்படி உச்ச நீதிமன்றம் கடந்த பிப்ரவரியில் தீர்ப்பு வழங்கியது.  உச்ச நீதிமன்றத் தீர்ப்பின்படி காவிரி மேலாண்மை ஆணையத்தை மத்திய அரசு அமைத்துள்ளது. இந்நிலையில்  உச்ச நீதிமன்றத் தீர்ப்பின் அடிப்படையில் காவிரி மேலாண்மை ஆணையம் அமைக்கப்பட்டதால், காவிரி நடுவர் மன்றம் கலைக்கப்படுவதாக, மத்திய நீர்வளத்துறை அமைச்சகம் சார்பில் அரசாணையை வெளியிட்டுள்ளது.