அதிமுக ஆட்சியில் 2,000 மதுக்கடைகள் மூடப்பட்டுள்ளன :அமைச்சர் பாண்டியராஜன்

தமிழகத்தில், மதுவிற்கு அடிமையானவர்களை மீட்டெடுக்கும் வகையில், மறுவாழ்வு மையங்கள் அமைக்கப்பட்டுள்ளதாக, தமிழ் வளர்ச்சித்துறை அமைச்சர் பாண்டியராஜன் தெரிவித்துள்ளார். சென்னை செங்குன்றத்தில், அதிமுக சார்பாக பொதுமக்களுக்கு, அத்தியாவசியப் பொருட்களை அமைச்சர் பாண்டியராஜன் வழங்கினார். பின்னர் செய்தியாளர்களிடம் பேசிய அவர், அதிமுக ஆட்சியில் தமிழகத்தில் 2 ஆயிரம் மதுக்கடைகள் மூடப்பட்டுள்ளதாக கூறினார். மதுவிற்கு அடியானவர்களை மீட்டெடுக்கும் வகையில், மறுவாழ்வு மையங்கள் தமிழகம் முழுவதும் அமைக்கப்பட்டுள்ளதாக தெரிவித்த அமைச்சர், சென்னையில் மதுக்கடைகள் திறக்கப்படாது என்ற முதலமைச்சரின் அறிவிப்பிற்கு நல்ல வரவேற்பு கிடைத்துள்ளதாக தெரிவித்தார்.