எடப்பாடி பழனிசாமி அரசு பதவியேற்று இரண்டு ஆண்டுகள் நிறைவையொட்டி சென்னை தலைமை செயலகத்தில் நடைபெற்ற நிகழ்ச்சியில் எடப்பாடி அரசின் சாதனை விளக்க புத்தகம் வெளியிடப்பட்டது.எடப்பாடி பழனிசாமி தமிழக முதலமைச்சராக கடந்த 2017ம் ஆண்டு பிப்ரவரி 16ம் தேதி பதவியேற்றார். அவரது அரசின் சாதனைகளை விளக்கும் வகையில் சென்னை தலைமை செயலகத்தில் விழா மலர் வெளியிடும் விழா நடைபெற்றது.
தமிழகத்தில் எடப்பாடி பழனிசாமி தலைமையிலான அரசு பல்வேறு சிறப்பு திட்டங்களை அறிவித்து செயல்படுத்தி வருகிறது. குறிப்பாக பிளாஸ்டிக் பயன்பாட்டிற்கு தடை, பொங்கல் பரிசாக ஆயிரம் ரூபாய் வழங்கும் திட்டம் உள்ளிட்ட பல்வேறு திட்டங்கள் தமிழக மக்களிடையே மிகுந்த வரவேற்பை பெற்று வருகிறது.இந்நிலையில் தமிழகத்தில் எடப்பாடி பழனிசாமி தலைமையிலான அரசு இரண்டு ஆண்டுகளை பூர்த்தி செய்ததையொட்டி தலைமை செயலகத்தில் நடைபெற்ற விழாவில் முதலமைச்சர் எடப்பாடி பழனிசாமி விழா மலரை வெளியிட, துணை முதலமைச்சர் ஓ. பன்னீர் செல்வம் பெற்றுக் கொண்டார்.
Discussion about this post