நீலகிரி மாவட்டத்தைச் சேர்ந்த பள்ளி கல்லூரி மாணவர்களுக்கான என்.சி.சி கூட்டு பயிற்சி முகாம் மேட்டுப்பாளையத்தில் நடைபெற்றது.
கோவை மாவட்டம் மேட்டுப்பாளயத்தை அடுத்த காரமடையில் உள்ள தனியார் பள்ளியில் நடைபெறும் இந்த பயிற்சி முகாம் 10 நாட்கள் நடைபெறுகிறது. இதில் மாணவர்களுக்கு துப்பாக்கி சுடுதல், தற்காலிக கூடாரம் அமைத்தல், மலையேறுதல் உள்ளிட்ட பல்வேறு பயிற்சிகள் அளிக்கப்படுகிறது.
இந்த முகாமில் நீலகிரியைச் சேர்ந்த 15க்கும் மேற்பட்ட பள்ளி, கல்லூரிகளைச் சேர்ந்த 100க்கும் மேற்பட்ட மாணவ, மாணவிகள் பங்கேற்றுள்ளனர். முகாமில் கோவை மாவட்ட என்.சி.சி குரூப் கமாண்டர் கலந்து கொண்டு மாணவர்களுக்கு சில அறிவுரைகளை வழங்கினார்.