தூத்துக்குடி மாவட்டம் திரேஸ்புரத்தை சேர்ந்த மரிய பாக்கியத்திற்கு சொந்தமான படகில், கடந்த சனிக்கிழமை 8 பேர் கடலுக்கு மீன்பிடிக்கச் சென்றனர். வத்தலகுண்டு தீவு அருகே அவர்கள் மீன்பிடித்துக் கொண்டிருந்தனர். அப்போது, அங்கு வந்த இலங்கை கடற்படையினர், எல்லை தாண்டி வந்ததாக கூறி, மீனவர்கள் 8 பேரையும் சிறைபிடித்துச் சென்றனர். இதுதொடர்பாக தமிழக கடலோர காவல் படையினர் விசாரணை மேற்கொண்டு வருகின்றனர். இலங்கை கடற்படையினர் கைது செய்துள்ள மீனவர்களை, உடனடியாக விடுவிக்க வேண்டும் என்றும் மத்திய மாநில அரசுக்கு தூத்துக்குடி மாவட்ட மீனவர்கள் சங்கம் கோரிக்கை விடுத்துள்ளது.