தபால்துறை தேர்வுகளை நடத்த உயர்நீதிமன்ற மதுரை கிளை அனுமதி

இன்று நடைபெற உள்ள தபால்துறைக்கான தேர்வை நடத்தலாம் என்றும் தேர்வு முடிவுகளை வெளியிடக் கூடாது என்றும் உயர்நீதிமன்ற மதுரை கிளை உத்தரவிட்டுள்ளது.

தபால் துறை தேர்வுகளை ஹிந்தி மற்றும் ஆங்கிலத்தில் மட்டுமே நடத்த வேண்டும் என்று மத்திய அரசு அனைத்து மாநிலங்களின் தலைமை அஞ்சலகங்களுக்கு சுற்றறிக்கை அனுப்பியது. தேர்வு நடைபெறுவதற்கு மூன்று நாட்களுக்கு முன்னர் அனுப்பப்பட்ட இந்த சுற்றறிக்கை காரணமாக மாநில மொழிகளில் தேர்வுக்கு தயாரானவர்கள் பாதிக்கப்படுவதாக கூறப்பட்டது.

இந்நிலையில் இதை எதிர்த்து உயர்நீதிமன்ற மதுரை கிளையில் பொதுநல வழக்கு தாக்கல் செய்யப்பட்டது. வழக்கை விசாரித்த நீதிமன்றம் திட்டமிட்டது போல் தேர்வுகள் நடத்த அனுமதி அளித்தது. அதே நேரம் தேர்வு முடிவுகளை வெளியிடக்கூடாது என்று உத்தரவிட்டுள்ளது.