பெசன்ட் நகர் கடற்கரையில் பைக் ரேஸில் ஈடுபட்ட இளைஞர்கள் கைது

பெசன்ட் நகர் கடற்கரையில் நள்ளிரவில் பைக் ரேஸில் ஈடுபட்ட 16 பேரை காவல்துறையினர் கைது செய்துள்ளனர்.

சென்னை பெசன்ட் நகர் எலியட்ஸ் கடற்கரை சாலையில் கடந்த 1ஆம் தேதி நள்ளிரவில் பைக் ரேஸில் இளைஞர்கள் ஈடுபட்டுள்ளனர். பொதுமக்களை அச்சுறுத்தும் வகையில் பைக் ரேஸில் ஈடுபட்ட வீடியோ சமூக வலைதளங்களில் பரவியது. இதையடுத்து, பைக் ரேஸில் ஈடுபட்ட அயனாவரம், வியாசர்பாடி, பெரம்பூர் பகுதிகளை சேர்ந்த 16 இளைஞர்களை காவல்துறையினர் கைது செய்துள்ளனர். அவர்களிடம் இருந்து 7 விலை உயர்ந்த இருசக்கர வாகனங்கள் பறிமுதல் செய்யப்பட்டன.

கைது செய்யப்பட்டவர்கள் மீது அதிவேகமாக வாகனம் ஓட்டியது, பொதுமக்கள் உயிருக்கு அச்சுறுத்தும் வகையில் இருசக்கர வாகனம் ஓட்டியது உள்ளிட்ட பிரிவின் கீழ் சாஸ்திரி நகர் காவல்நிலையத்தில் வழக்குப்பதிவு செய்யப்பட்டுள்ளது.