ஜல் சக்தி அபியான் திட்டத்தின் கீழ் குளத்தை தூர்வாரிய இளைஞர்கள்

விழுப்புரம் மாவட்டம் செஞ்சியில் தன்னார்வல இளைஞர்கள் பழமை வாய்ந்த குளத்தை தூர்வாரி மரக்கன்றுகளை நட்டனர்.

செஞ்சியை அடுத்த முட்டத்தூர் கிராமத்தில் பழமைவாய்ந்த சந்தைகுளம் போதிய பராமரிப்பு இல்லாமல் இருந்தது. இந்நிலையில் நேரு யுவகேந்திரா மற்றும் முட்டத்தூர் கிராம வளர்ச்சி இளைஞர்கள் சங்கம் சார்பில் குளத்தை தூர்வார முடிவு செய்யப்பட்டது. ஜல் சக்தி அபியான் திட்டத்தின் கீழ் குளத்தை தூர்வாரும் பணியில் இளைஞர்கள் ஈடுபட்டனர். குளத்தின் கரையில் மரக் கன்றுகளையும் அவர்கள் நட்டனர். இளைஞர்களின் இந்தச் செயல் பொதுமக்களிடம் பாராட்டை பெற்றது.