உலக புகழ்பெற்ற அலங்காநல்லூர் ஜல்லிக்கட்டு போட்டி நிறைவு

அலங்காநல்லூர் ஜல்லிக்கட்டு போட்டி, எந்தவித அசம்பாவிதமும் இன்றி நிறைவு பெற்றதாக மதுரை மாவட்ட ஆட்சியர் நடராஜன் தெரிவித்தார். உலகப் புகழ் பெற்ற அலங்காநல்லூர் ஜல்லிக்கட்டு போட்டி,  இன்று காலை 8 மணிக்கு துவங்கி, மாலை 4.45 மணிக்கு நிறைவடைந்தது. இன்று நடைபெற்ற ஜல்லிக்கட்டு போட்டியில் 729 காளைகள், 697 மாடுபிடி வீரர்கள் பங்கேற்றனர். வெற்றி பெற்றவர்களுக்கு கார்கள் பரிசளிக்கப்பட உள்ளதாகவும், நாளை நடைபெறும் விழாவில் பரிசுகள் வழங்கப்பட உள்ளதாகவும் ஆட்சியர் தெரிவித்தார்.