மகளிர் தினத்தையொட்டி சென்னையில் இருந்து டெல்லிக்கு சென்ற ஏர் இந்திய விமானத்தை முழுக்க முழுக்க பெண்களே இயக்கினர்.
உலக மகளிர் தினத்தையொட்டி, சென்னை மீனம்பாக்கம் உள்நாட்டு விமான நிலையத்தில் இருந்து டெல்லிக்கு 52 விமானங்களை முழுக்க, முழுக்க பெண்களே இயக்குவார்கள் என்று ஏர் இந்திய நிறுவனம் அறிவித்திருந்தது. மேலும், நியூயார்க், வாஷிங்டன், லண்டன் உள்பட 12 சர்வதேச விமானங்களையும் பெண்கள் இயக்குவார்கள் என்றும் அறிவிக்கப்பட்டிருந்தது.
அதன்படி, இன்று காலை 6.20 மணிக்கு சென்னையில் இருந்து பயணிகளுடன் டெல்லிக்கு சென்ற விமானத்தை விமானி கேப்டன் தீபா தலைமையிலான பெண்கள் கொண்ட குழு இயக்கியது. மீண்டும் பகல் 12.50 மணிக்கு டெல்லியில் இருந்து சென்னைக்கு திரும்புகின்றனர்.