இராமநாதபுரம் அருகே அரசு ஊழியர் ஒருவர் உயர் அதிகாரியின் டார்ச்சர் காரணமாக கடிதம் எழுதி வைத்துவிட்டு தற்கொலை செய்து கொண்ட சம்பவம் பெரும் பரப்பரப்பை ஏற்படுத்தியுள்ளது.
இராமநாதபுரம் காட்டூரணியில் வசித்து வருபவர் சோபனா. வயது 41. போக்குவரத்து பணிமனையில் இளைய உதவியாளராக பணியாற்றி வருகிறார். கடந்த சில நாட்களாக சோபனாவுக்கு பணிசெய்யும் இடத்தில் உயர் அதிகாரிகள் மற்றும் உடன்பணியாற்றும் தொழிலாளர்கள் அதிக அளவில் தொல்லை கொடுத்து வந்ததாக கூறப்படுகிறது. உயரதிகாரிகளின் தொல்லைகளை தாங்கி கொள்ள முடியாத சோபனா அவரின் வீட்டின் அருகில் உள்ள கிணற்றில் குதித்து தற்கொலை செய்துக் கொண்டார்.
மேலும், தனது மரணத்திற்கு காரணமானவர்கள் யார் யார் என்பதையும், அவர்கள் செய்த தொல்லை என்னென்ன என்பதையும் விரிவாக கடிதமாக எழுதி வைத்திருக்கிறார். அதை கைப்பற்றிய போலீசார், மேற்கொண்டு விசாரணை நடத்தி வருகின்றனர்,
Discussion about this post