ஆஸி.யை ஒயிட்வாஷ் செய்யுமா இந்தியா?

இந்தியா – ஆஸ்திரேலியா இடையேயான மூன்றாவது மற்றும் கடைசி டி20 போட்டி, இன்று நடைபெறுகிறது.

ஆஸ்திரேலியாவிற்கு எதிரான ஒருநாள் தொடரை இந்திய அணி இழந்த நிலையில், 3 போட்டிகள் கொண்ட டி20 தொடரில், முதல் இரண்டு போட்டியில் வென்று, தொடரை கைப்பற்றியுள்ளது. இந்நிலையில், மூன்றாவது மற்றும் கடைசி டி20 போட்டி, இந்திய நேரப்படி இன்று பிற்பகல் 1.40 மணிக்கு நடைபெறுகிறது. இந்திய அணி தரப்பில் எந்த மாற்றமும் இருக்காது என கூறப்படுகிறது. ஆஸ்திரேலிய அணியில், கேப்டன் ஃபின்ச் இந்த போட்டியில் விளையாடுவார் எனவும், ஸ்டீவ் ஸ்மித்துக்கு ஓய்வு அளிக்கப்படலாம் எனவும் கூறப்படுகிறது. ஏற்கனவே 2016ஆம் ஆண்டு, தோனி தலைமையிலான இந்திய அணி, ஆஸ்திரேலிய அணியை ஒயிட்வாஷ் செய்திருந்த நிலையில், கோலி தலைமையிலான இந்திய அணியும் வரலாறு படைக்குமா என ரசிகர்கள் எதிர்பார்த்துள்ளனர்.