தோல்விக்கு சொந்தமண்ணில் சென்னை அணி வஞ்சம் தீர்க்குமா?

ஐபிஎல் கிரிக்கெட் தொடரில் இன்றைய லீக் ஆட்டத்தில் சம பலம் வாய்ந்த சென்னை சூப்பர் கிங்ஸ் – மும்பை இந்தியன்ஸ் அணிகள் மோதுகின்றன

12வது ஐபிஎல் தொடரின் 44வது லீக் ஆட்டத்தில் நடப்பு சாம்பியனான சென்னை சூப்பர் கிங்ஸ், ரோகித் ஷர்மா தலைமையிலான மும்பை இந்தியன்ஸ் அணியை எதிர்கொள்கிறது. சென்னை சேப்பாக்கத்தில் உள்ள சிதம்பரம் மைதானத்தில் இன்று இரவு 8மணிக்கு போட்டி நடைபெறுகிறது. இதுவரை 11 ஆட்டங்களில் விளையாடி 8 வெற்றி, 3 தோல்விகளுடன் சென்னை அணி புள்ளி பட்டியலில் முதலிடத்தில் உள்ளது. இறுதிப்போட்டியில் நுழைய நம்பர் ஒன் இடத்தை வலுப்படுத்தும் முயற்சியில் சென்னை அணி தீவிரம் காட்டிவருகிறது. 10 ஆட்டங்களில் விளையாடி 6 வெற்றி 4 தோல்வியுடன் 3வது இடத்தில் இருக்கும் மும்பை இந்தியன்ஸ் அணி, ஏற்கனவே சென்னை அணியை தோற்கடித்துள்ளது. சம பலம் வாய்ந்த இரு அணிகளும் 2வது ஆட்டத்தில் மோதுவதால், தோல்விக்கு சொந்தமண்ணில் சென்னை அணி வஞ்சம் தீர்த்து கொள்ளுமா என்ற எதிர்பார்ப்பு ரசிகர்கள் மத்தியில் எழுந்துள்ளது. இன்னும் 13 ஆட்டங்கள் மட்டுமே எஞ்சியுள்ள நிலையில், சென்னை அணி மட்டுமே இதுவரை பிளே ஆப் சுற்றை உறுதிசெய்திருக்கிறது என்பது குறிப்பிடத்தக்கது.