முதுமலையை ஒட்டி அமைந்துள்ள பந்திப்பூர் புலிகள் காப்பக வனப்பகுதியில் பற்றி எரிந்து வரும் காட்டு தீயை கட்டுப்படுத்த தீயணைப்புத்துறையினர் தொடர்ந்து போராடி வருகின்றனர். கர்நாடக – தமிழக எல்லையில் அமைந்துள்ள பந்திபூர் புலிகள் காப்பக வனப் பகுதியில் இன்று பிற்பகல் திடீரென காட்டு தீ ஏற்பட்டது. மளமளவென பரவி வரும் காட்டுத் தீயில் அரிய வகை மரங்கள் தீக்கிரையாகின.
தொடர்ந்து எரிந்து வரும் தீயை கட்டுப்படுத்த கர்நாடக தீயணைப்புத்துறை மற்றும் வனத்துறையினருடன் இணைந்து தமிழக தீயணைப்புத்துறை வீரர்கள் 25 பேர் கொண்ட குழுவும் போராடி வருகிறது. காட்டுத் தீ பரவி இருப்பதால், பந்திப்பூர் – கூடலூர் நெடுஞ்சாலையில் போக்குவரத்து முழுமையாக நிறுத்தப்பட்டுள்ளது.
Discussion about this post