பொல்லாதவன், ஆடுகளம், வடசென்னை படத்தை தொடர்ந்து 4வது முறையாக தனுஷ்- வெற்றிமாறன் கூட்டணி இணைந்துள்ள படம் ” அசுரன்”. ஹீரோயினாக மஞ்சு வாரியார் நடிக்கிறார். இயக்குநர் பாலாஜி சக்திவேல், பசுபதி ஆகியோர் முக்கிய வேடத்தில் நடிக்கின்றனர். ஜி.வி.பிரகாஷ் இசையமைக்க கலைப்புலி எஸ்.தாணு இப்படத்தை தயாரிக்கிறார்.
இப்படத்தின் படப்பிடிப்பு தொடங்கி விறுவிறுப்பாக நடைபெற்று வருகிறது. இந்நிலையில் இப்படத்தின் வில்லன் குறித்த தகவல் வெளிவந்துள்ளது. அசுரன் படப்பிடிப்பு தளத்திலிருந்து வெளியான புகைப்படம் ஒன்று வெளியானது. அதில் இயக்குநர் பாலாஜி சக்திவேல், பசுபதி, இயக்குநர் சுப்ரமணிய சிவா இருக்கிறார்கள்.
ஏற்கனவே அசுரனில் இயக்குநர் பாலாஜி சக்திவேல் வில்லன் கதாபாத்திரம் ஏற்றுள்ளார் என்று தகவல் வெளியான நிலையில் அவர் அந்த புகைப்படத்தில் போலீஸ் உடையணிந்துள்ளார். இதனால் படத்தின் வில்லன் பசுபதியா இல்லை இயக்குநர் பாலாஜி சக்திவேலா என்பதை சஸ்பென்சாக வைத்துள்ளனர் படக்குழுவினர்.
Discussion about this post