காஜல் அகர்வாலுக்கு சிங்கப்பூரில் மெழுகு சிலை…

தமிழ், தெலுங்கு ஆகிய இரண்டிலும் முன்னணி நடிகையாக திகழ்பவர் காஜல் அகர்வால்.தமிழில் முன்னணி நடிகர்களுடன் அடுத்தடுத்து நடித்த நடிகை என்றும் கூறலாம். இவர் துப்பாக்கி, மாற்றான், ஜில்லா, பின்பு 2019ஆம் ஆண்டு வெளியான விசுவாசம்,கோமாளி ஆகிய திரைப்படங்களில் நடித்து பாராட்டைப் பெற்றார் .

தற்போது இவருக்கு சிங்கப்பூரில் உள்ள மேடம் டுசாட்ஸ் அருங்காட்சியத்தில் மெழுகு சிலை வைக்க உள்ளனர்.மேடம் டுசாட்ஸ் அருங்காட்சியம் லண்டன் உட்பட பல நாடுகளில் உள்ளது. இங்கு அரசியல் தலைவர்கள், விளையாட்டு வீரர்கள், சினிமா பிரபலங்களின் மெழுகு சிலை வைக்கப்பட்டிருக்கும்.

இந்நிலையில் பிப்ரவரி 5ஆம் தேதி காஜல் அகர்வாலின் மெழுகு சிலை திறக்கப்படுகிறது. இதற்காக காஜல் சிங்கப்பூர் செல்ல உள்ளார். இதுகுறித்து தனது ட்விட்டர் பக்கத்தில் காஜல் பகிர்ந்துள்ளார் .அதில் ‘நானும் என்னோட இன்னொரு பாதியும் சேர்ந்து சிங்கப்பூரில் உங்களை 2020ம் ஆண்டு பிப்ரவரி மாதம் 5ம் தேதி சந்திக்கிறேன்’ என்று கூறியுள்ளார்.

மேலும் மேடம் டுசாட்ஸ் அருங்காட்சியத்தில் மெழுகு சிலை வைக்கப்படும் முதல் தென்னிந்திய நடிகை காஜல் அகர்வால் தான் என்பது குறிப்பிடத்தக்கது.