இந்தாண்டு வெளியான “அயோக்யா” படத்தில் நடித்த விஷால், லஞ்சம் பெறுவதே குறிக்கோள் என்று நடித்திருப்பார். இத்திரைப்படத்தில் இயக்குநர் கே.எஸ்.ரவிக்குமார், பார்த்திப்பன் மற்றும் கதாநாயகியாக ராஷி கண்ணா உள்பட பலர் நடித்துள்ளனர். வெங்கட் மோகன் படத்தை இயக்கி இருந்தார்.
இந்நிலையில், நடிகர் விஷால் அடுத்ததாக சுந்தர் சி இயக்கத்தில் நடித்து உள்ளார். “மதகஜராஜா, ஆம்பள” படங்களைத் தொடர்ந்து மூன்றாவது முறையாக இருவரும் கைக்கோர்த்துள்ளனர். இந்த படத்திற்கு “ஆக்ஷன்” என்று தலைப்பு வைத்துள்ளனர். இந்நிலையில், சுதந்திர தினத்தன்று “ஆக்ஷன்” படத்தின் போஸ்டர்கள் வெளியிடப்பட்டன. இதில், தமன்னா, ஐஸ்வர்யா லட்சுமி, சாயா சிங், யோகி பாபு உள்ளிட்டோர் நடித்துள்ளனர். ஹிப் ஹாப் ஆதி இசையமைத்துள்ளார்.
தற்போது, நடிகர் விஷால் பிறந்த நாளான ஆகஸ்டு 29 ஆம் தேதி அன்று “ஆக்ஷன்” படத்தின் டீசர் வெளியாகும் என்று தகவல்கள் பரவி வந்த நிலையில், விரைவில் டீசர் வெளியிடப்படும் என்று அதிகாரப்பூர்வமாக படக்குழுவினர் அறிவித்துள்ளனர்.