காப்புக்காட்டில் இரவு நேரங்களில் விலங்குகளை வேட்டையாடிய இருவர் கைது

விழுப்புரம் மாவட்டம் உளுந்தூர்பேட்டை அருகேயுள்ள எறையூர் காப்புக்காடுகளில் இரவு நேரங்களில் பறவைகள், விலங்குகளை வேட்டையாடிய இருவரை காவல் துறையினர் கைது செய்தனர். இரவு நேரங்களில் பறவைகள் மற்றும் விலங்குகள் தொடர்ந்து வேட்டையாடப்படுவதாக காவல் துறையினருக்கு ரகசிய தகவல் கிடைத்தது. இதனையடுத்து காவல் துறையினர் தொடர்ந்து தீவிர கண்காணிப்பில் ஈடுபட்டு வந்தனர். அப்போது ஆரோக்கியதாஸ் மற்றும் அவரது தம்பி சூசை ஆகிய இருவரும் இரவு முழுவதும் காப்பு காடுகளில் பறவைகள், விலங்குகளை வேட்டையாடுவது தெரியவந்தது. இதனையடுத்து இருவரையும் கைது செய்த காவல் துறையினர், அவர்கள் வைத்திருந்த துப்பாக்கியை பறிமுதல் செய்தனர்.