சென்னை அரும்பாக்கம் மாநகரப் பேருந்தில், சக மாணவர்களை அரிவாளால் தாக்கிய, இரண்டு கல்லூரி மாணவர்களை காவல்துறையினர் கைது செய்தனர்.
சென்னை மாநகரப் பேருந்தில் பயணம் செய்த கல்லூரி மாணவர்களின் ஒரு தரப்பினர் மீது, மற்றொரு தரப்பு மாணவர்கள் கத்தி உள்ளிட்ட ஆயுதங்களால் தாக்குதல் நடத்தினர். இதில் வசந்த் என்ற மாணவர் படுகாயமடைந்து ஸ்டான்லி அரசு மருத்துவமனையில் தீவிர சிகிச்சை பெற்று வருகிறார். அரும்பாக்கத்தில் போக்குவரத்து நெரிசல் மிகுந்த சாலையில் நடந்த இந்த தாக்குதல் பொதுமக்கள் மத்தியில் பெரும் அதிர்ச்சியை ஏற்படுத்தியது.
இந்நிலையில் இந்த சம்பவம் தொடர்பாக வழக்கு பதிவு செய்த காவல்துறையினர் தாக்குதல் நடத்திய தத்துவவியல் பிரிவில் மூன்றாம் ஆண்டு பயிலும் மதுரவாயலைச் சேர்ந்த சுருதி என்ற மாணவனையும், பெரியபாளையத்தைச் சேர்ந்த மதன் என்ற மாணவனையும் கைது செய்தனர். அந்த மாணவர்கள் மீது நிர்வாக ரீதியாக உரிய நடவடிக்கை எடுக்கப்படும் எனக் கல்லூரி முதல்வர் அறிவித்துள்ளார். இந்த தாக்குதலில் தொடர்புடைய மற்ற மாணவர்கள் குறித்து தீவிர விசாரணை நடைபெற்று வருகிறது.
Discussion about this post