விழுப்புரம் அருகே அரசு பள்ளியில் ஆசிரியர் தினமானது மரக்கன்றுகள் வழங்கும் தினமாக கொண்டாடப்பட்டது.
விழுப்புரம் மாவட்டம் அனந்தபுரத்தை அடுத்த சங்கீதமங்கலத்தில் செயல்படும் அரசு மேல்நிலைப்பள்ளியில் ஆசிரியர் தினத்தை சிறப்பிக்கும் வகையில் விழுப்புரம் மாவட்ட பள்ளிக்கல்வித்துறை மற்றும் சுற்றுச்சூழல்துறை, தேசிய பசுமை படை சார்பில் பள்ளி மாணவர்களுக்கு மரக்கன்றுகள் வழங்கும் நிகழ்ச்சி நடைபெற்றது.
முன்னதாக பல்வேறுவிதமான விளையாட்டு போட்டிகள் நடத்தப்பட்டு வெற்றி பெற்றவர்களுக்கு இன்றைய சூழலில் நீர்தேவையை உணர்த்தும் வகையிலும் மழைநீரின் அவசியத்தை எடுத்துரைக்கும் வகையிலும் மரக்கன்றுகள் நினைவு பரிசாக வழங்கப்பட்டது.
இந்நிகழ்வில் சிறப்பு விருந்தினராக விழுப்புரம் மாவட்ட முதன்மை கல்வி அலுவலர் கலந்து கொண்டு மாணவர்களுக்கு மரக்கன்றுகளை வழங்கியும், பள்ளிவளாகத்தில் மரக்கன்றுகளையும் நட்டார். இந்த நிகழ்ச்சியில் விழுப்புரம் கல்வி மாவட்ட அலுவலர், செஞ்சி தேசிய பசுமை படை அலுவலர், பள்ளி ஆசிரியர்கள், மாணவ மாணவியர்கள் கலந்து கொண்டனர்.
Discussion about this post