சற்று விலை குறைந்தது ஆபரணத் தங்கம்

சென்னையில் ஆபரணத் தங்கத்தின் விலை 624 ரூபாய் குறைந்து 31 ஆயிரத்து 888 ரூபாய்க்கு விற்பனை செய்யப்படுகிறது.

நாளுக்கு நாள் ஏற்ற இறக்கத்தை சந்தித்து வரும் தங்கத்தின் விலை கடந்த சில தினங்களில் வரலாறு காணாத புதிய உச்சத்தை தொட்டது. கடந்த தினங்களாக சவரனுக்கு 32ஆயிரத்தை கடந்த தங்கத்தின் விலை இன்று 600 ரூபாய்க்கும் மேல் குறைந்துள்ளதால் மக்கள் நிம்மதியடைந்துளனர்.  

அந்த வகையில், சென்னையில் 24 காரட் தங்கத்தின் விலை கிராமுக்கு 82 ரூபாய் குறைந்து 4 ஆயிரத்து 185 ரூபாய்க்கும், சவரனுக்கு 656 ரூபாய் குறைந்து 33 ஆயிரத்து 480 ரூபாய்க்கும் விற்பனை செய்யப்படுகிறது.

22 காரட் ஆபரணத் தங்கத்தின் விலை கிராமுக்கு 78 ரூபாய் குறைந்து 3 ஆயிரத்து 986 ரூபாய்க்கும், சவரனுக்கு  624 ரூபாய் குறைந்து 31 ஆயிரத்து 888 ரூபாய்க்கும் விற்பனை செய்யப்படுகிறது.

அதேபோல் வெள்ளியின் விலை கிராமுக்கு 1ரூபாய் 6 காசுகள் குறைந்து 47 ரூபாய் 40 காசுகளுக்கும், கிலோவுக்கு ஆயிரத்து 600 ரூபாய் குறைந்து 47 ஆயிரத்து 400 ரூபாய்க்கும் விற்பனை செய்யப்படுகிறது.