இடியுடன் கூடிய மழைக்கு வாய்ப்பு-சென்னை வானிலை ஆய்வு மையம் தகவல்

சென்னை உட்பட வட தமிழகத்தில் 11 மாவட்டங்களில் அடுத்த 24 மணி நேரத்துக்கு அனல் காற்று வீசும் என்று வானிலை ஆய்வு மையம் தெரிவித்துள்ளது.

இது தொடர்பாக சென்னை வானிலை ஆய்வு மையம் வெளியிட்ட அறிவிப்பில், தமிழகம் மற்றும் புதுச்சேரியின் ஓரிரு இடங்களில் இடியுடன் கூடிய மழைக்கு வாய்ப்பு இருப்பதாக தெரிவிக்கப்பட்டுள்ளது. வட தமிழகத்தின் சென்னை, காஞ்சிபுரம், திருவள்ளூர், திருவண்ணாமலை உள்ளிட்ட 11 மாவட்டங்களில் அனல் காற்று வீசும் என்றும், இயல்பை விட 5 முதல் 6 டிகிரி செல்சியஸ் வரை வெப்பம் கூடுதலாக பதிவாகும் என்றும் கூறப்பட்டுள்ளது. சென்னையை பொறுத்தவரை வானம் மேக மூட்டத்துடன்காணப்படும் என்றும் குறைந்தபட்ச வெப்பநிலையாக 31 டிகிரி செல்சியசும் அதிகபட்சமாக 41 டிகிரி செல்சியஸாகவும் இருக்கும் என்றும் தெரிவிக்கப்பட்டுள்ளது.