தைப்பூச திருவிழாவையொட்டி பழநியில் ஆயிரக்கணக்கான பக்தர்கள் குவிந்தனர் !

அறுபடை வீடுகளில் மூன்றாம் படை வீடான பழநி தண்டாயுதபாணி சுவாமி கோவிலில், தைப்பூச திருவிழா கடந்த ஞாயிறன்று கொடியேற்றத்துடன் துவங்கியது.10 நாட்கள் நடைபெறும் திருவிழாவில் முக்கிய நிகழ்வான திருக்கல்யாணம் மற்றும் வெள்ளி தேரோட்டம் பிப்ரவரி 3ஆம் தேதியும், திருத்தேரோட்டம் பிப்ரவரி 4 ஆம் தேதியும் நடைபெற உள்ளது. இந்நிலையில் ஆயிரக்கணக்கான பக்தர்கள் கிரிவலப் பாதையில் அலகு குத்தியும், காவடி எடுத்தும் திரண்டுள்ளனர். மேலும் பக்தி பரவசத்துடன் நடனமாடி முருக பெருமானுக்கு நேர்த்திக்கடனை பக்தர்கள் செலுத்தி வருகின்றனர்.