இலங்கை தாக்குதலில் உயிரிழந்தவர்களுக்கு அக்னி தீர்த்தக்கடலில் மலர் தூவி அஞ்சலி

இலங்கையில் நடைபெற்ற தொடர் குண்டு வெடிப்பில் உயிரிழந்தவர்களுக்கு, ராமேஸ்வரம் அக்னி தீர்த்தக்கடலில் மலர் தூவி அஞ்சலி செலுத்தப்பட்டது.

இலங்கையில் நடைபெற்ற தீவிரவாத தாக்குதலில் இதுவரை 359 பேர் உயிரிழந்துள்ளனர். பலர் படுகாயமடைந்து மருத்துவமனையில் சிகிச்சை பெற்று வருகின்றனர். தீவிரவாத தாக்குதலில் உயிரிழந்தவர்களின் ஆன்மா சாந்தியடையவும், காயமடைந்தவர்கள் பூரண நலம் பெறவும் தமிழகம் முழுவதும் பலர் பிரார்த்தனை செய்து வருகின்றனர். அதன் ஒரு பகுதியாக குண்டு வெடிப்பில் உயிரிழந்தவர்களுக்கு ராமேஸ்வரம் அக்னி தீர்த்த கடலில் அஞ்சலி செலுத்தப்பட்டது. மாணவர்கள், பொதுமக்கள் என ஏராளமானோர் பங்கேற்று மலர் தூவி அஞ்சலி செலுத்தினர்.