செயின் பறிப்பில் ஈடுபட்ட பிரபல கொள்ளையன் கைது

சென்னையில் பல்வேறு இடங்களில் செயின் பறிப்பு மற்றும் கொள்ளை உள்ளிட்ட பல்வேறு சம்பவங்களில் ஈடுபட்ட பிரபல கொள்ளையனை போலீசார் கைது செய்தனர்.

சென்னை அசோக் நகர் பகுதியைச் சேர்ந்தவர் வெங்கடேசன். யாரும் இல்லாத வீடுகளில் குறிவைத்து கொள்ளையடித்து வந்ததாக கூறப்படுகிறது. வெங்கடேசனை பிடிப்பதற்காக தனிப்படை போலீசார் தீவிர தேடுதல் வேட்டையில் ஈடுபட்டிருந்தபோது கையும் களவுமாக பிடிபட்டார். அவரிடம் இருந்து கொள்ளையடிக்கப்பட்ட 13 சவரன் தங்க நகைகள், 750 கிராம் வெள்ளி, 13 ஆயிரம் ரூபாய் ரொக்கப் பணத்தையும் பறிமுதல் செய்தனர். வெங்கடேசனை சைதாப்பேட்டை நீதிமன்றத்தில் ஆஜர்படுத்தி புழல் சிறையில் அடைத்தனர்.

விரைவாக செயல்பட்டு முக்கிய குற்றவாளியை கைது செய்த காவல்துறை அதிகாரிகளை சென்னை மாநகர காவல்துறை ஆணையர் ஏ.கே. விஸ்வநாதன் பாராட்டினார்.