மேட்டூர் அணைக்கு நீர்வரத்து 6,000 கன அடியாக குறைவு

காவிரி நீர்பிடிப்பு பகுதிகளில் பெய்த மழையின் அளவு குறைந்ததால் மேட்டூர் அணைக்கு நீர்வரத்து 6,000 கன அடியாக குறைந்துள்ளது.

கர்நாடக அணைகளில் இருந்து திறக்கப்படும் நீரின் அளவு குறைந்ததாலும், காவிரி நீர்பிடிப்பு பகுதிகளில் பெய்த மழையின் அளவு குறைந்ததாலும் 7 ஆயிரத்து 43 கன அடியாக இருந்த நீர்வரத்து 6 ஆயிரம் கன அடியாக குறைந்துள்ளது.

காலை நிலவரப்படி, அணையின் நீர்மட்டம் 120 அடியாகவும் நீர் இருப்பு 93 புள்ளி 47 டி.எம்.சி யாகவும் உள்ளது. அணையில் இருந்து டெல்டா பாசனத்திற்காக 5 அயிரம் கன அடி நீரும், கிழக்கு, மற்றும் மேற்கு கால்வாய் பாசனத்திற்காக 800 கன அடி நீரும் வெளியேற்றப்பட்டு வருகிறது. அணை முழு கொள்ளளவை எட்டியுள்ளதால் நீர்வரத்து முழுவதும் பாசனத்திற்காக வெளியேற்றப்படுகிறது.