வேளாங்கண்ணி திருவிழா கொடியேற்றம் இன்று துவங்குகிறது

புகழ்பெற்ற வேளாங்கண்ணி மாதா கோவில் ஆண்டு திருவிழா இன்று கொடியேற்றத்துடன் கோலாகலமாக துவங்குகிறது.

வேளாங்கண்ணி பேராலய திருவிழா தொடங்குவதை முன்னிட்டு, பாதுகாப்பு பணிகள் தீவிரப்படுத்தப்பட்டுள்ளன. 10 நாட்கள் நடைபெறும் திருவிழாவை காண லட்சக்கணக்கான பக்தர்கள், வேளாங்கண்ணியில் குவிந்து வருவதால் அவர்களுக்கு தேவையான அனைத்து வசதிகளும் செய்யப்பட்டு வருகின்றன. தொலைதூரத்தில் இருந்து ரயில், பேருந்து மற்றும் நடைபயணமாக வரும் பக்தர்கள் தங்குவதற்கு கூடுதலான விடுதிகள் மற்றும் கூடாரங்கள் அமைக்கப்பட்டுள்ளன. குடிநீர், மருத்துவம், இலவச உணவு உள்ளிட்ட அனைத்து ஏற்பாடுகளும் செய்யப்பட்டுள்ளன. பக்தர்களின் பாதுகாப்பை உறுதி செய்ய 2 ஆயிரத்து 500க்கும் மேற்பட்ட காவல்துறையினர் குவிக்கப்பட்டுள்ளனர். 600 சிசிடிவி கேமிராக்கள் பொருத்தப்பட்டு 24 மணி நேரமும் கண்காணிப்பு பணிகள் மேற்கொள்ளப்பட்டு வருகிறது.