தமிழ் சினிமாவின் முன்னணி நடிகரான தனுஷ், இயக்குநர் வெற்றிமாறன் இயக்கத்தில் அசுரன் என்ற படத்தில் நடித்து வருகிறார். எழுத்தாளர் பூமணி எழுதிய “வெக்கை” நாவலை அடிப்படையாக கொண்டு இந்த படம் தயாராகிறது. இதில் அப்பா-மகன் என இரு வேடங்களில் தனுஷ் நடிக்கிறார். தனுசுக்கு ஜோடியாக பிரபல மலையாள நடிகை மஞ்சுவாரியர் நடிக்கிறார். இந்த படத்திற்கு ஜிவி பிரகாஷ் குமார் இசையமைக்கிறார். அசுரன் திரைப்படம் அக்டோபர் 4ம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது.இதனால் படத்திற்கான போஸ்ட் புரொடக்ஷன் வேலைகள் விறுவிறுப்பாக நடைபெற்று வருகிறது.
இந்நிலையில் அசுரன் படத்தின் முதல் பாடலாக “கத்திரிப்பூ அழகி” பாடல் இன்று மாலை 6 மணிக்கு வெளியாகும் என அறிவிக்கப்பட்டுள்ளது. இந்த பாடலை வேல்முருகன் மற்றும் ராஜலட்சுமி இணைந்து பாடியுள்ளனர். இதுகுறித்த போஸ்டரை அருகே தனுஷ் தனது ட்விட்டர் பக்கத்தில் வெளியிட்டுள்ளார்.மேலும் இந்த பாடல் ரசிகர்களிடம் மிகச்சிறந்த வரவேற்பைப் பெறும் என படத்தின் இசையமைப்பாளர் ஜிவி பிரகாஷ் குமார் கூறியுள்ளார்.
Discussion about this post