இந்தியா- மேற்கிந்திய இரண்டாவது டெஸ்ட் கிரிக்கெட் போட்டி இன்று தொடங்குகிறது

மேற்கிந்திய தீவுகளில் சுற்றுப்பயணம் மேற்கொண்டுள்ள இந்திய கிரிக்கெட் அணி, முதல் டெஸ்ட் போட்டியில் மேற்கிந்திய தீவு அணியை எளிதில் வீழ்த்தி அசத்தியது. இந்நிலையில், இந்தியா- மேற்கிந்திய தீவுகள் மோதும் இரண்டாவது டெஸ்ட் போட்டி, ஜமைக்காவில் இன்று தொடங்குகிறது. இந்திய அணியை பொறுத்து வரை பேட்டிங் மற்றும் பவுலிங்கில் சிறப்பான பங்களிப்பை வீரர்கள் அளித்து வருகின்றனர். முதல் டெஸ்ட் போட்டியில் கண்ட படுதோல்விக்கு பதிலடி கொடுக்கும் வகையில் மேற்கிந்திய தீவு அணி வீரர்கள் தீவிர வலைப் பயிற்சியில் ஈடுபட்டு வருகின்றனர். ஜமைக்காவிலுள்ள கிங்ஸ்டன் மைதானத்தில் நடைபெறும் இந்த போட்டி இந்திய நேரப்படி இரவு 8 மணிக்கு தொடங்குகிறது.