சிபிஎஸ்இ பாடத்திட்டத்தில் 10 மற்றும் 12 ஆம் வகுப்பு பொதுத் தேர்வுகள் கடந்த பிப்ரவரி 24 ஆம் தேதி தொடங்கி ஏப்ரல் 14 ஆம் தேதி வரை நடைபெறும் என்று அறிவிக்கப்பட்டிருந்தது. இந்நிலையில் கொரோனா அச்சுறுத்தல் காரணமாக தேர்வுகள் ரத்து செய்யப்பட்டன. இதனைத் தொடர்ந்து ஊரடங்குப் பின் பொதுத்தேர்வு நடைபெறும் என அறிவிக்கப்பட்டது. இந்நிலையில் 10, 12ஆம் வகுப்பு சிபிஎஸ்இ பொதுத்தேர்வுக்கான அட்டவணை இன்று மாலை 5 மணிக்கு வெளியிடப்படும் என்று மத்திய மனிதவள மேம்பாட்டுத்துறை அமைச்சர் ரமேஷ் பொக்ரியால் அறிவித்துள்ளார்.
ஏற்கனவே சிபிஎஸ்இ பாடத்திட்டத்தில் ஒன்று முதல் எட்டாம் வகுப்பு வரை மாணவர்கள் தேர்வின்றி தேர்ச்சி செய்யப்படுவார்கள் என்றும் 9 மற்றும் பிளஸ் 1 வகுப்பு மாணவர்கள் பருவத்தேர்வு, பயிற்சி தேர்வு, செய்முறைத் தேர்வு ஆகியவற்றில் எடுத்த மதிப்பெண்களின் அடிப்படையில் தேர்ச்சி முடிவு செய்யப்படும் என மத்திய மனிதவள மேம்பாட்டுத்துறை அறிவித்தது குறிப்பிடத்தக்கது.
Discussion about this post