13 ஆயிரம் அடிக்கு மேலே அமைந்துள்ள வாக்குச் சாவடி

மக்களவை தேர்தலை ஒட்டி, அருணாச்சல பிரதேசத்தில், 13 ஆயிரம் அடிக்கு மேலே அமைந்துள்ள பகுதி ஒன்றில், வாக்குப் பதிவு நடைபெற உள்ளது.

அருணாச்சல பிரதேசத்தில், 57 மக்களவை தொகுதிகளில், 18ம் தேதி வாக்குப் பதிவு நடைபெற உள்ளது. 11 பெண்கள் உட்பட 181 பேர் தேர்தலில் போட்டியிடுகின்றனர். இதற்காக, 2 ஆயிரத்து 202 வாக்குச்சாவடிகள் அமைக்கப்பட்டு, 13 ஆயிரத்து 262 அதிகாரிகள் மற்றும் அலுவலர்கள் தேர்தல் பணியில் ஈடுபட்டுள்ளனர். இம்மாநிலத்தில், 518 வாக்குச் சாவடிகளுக்கு, நடந்து மட்டுமே செல்ல முடியும். அதிலும், தவாங் மாவட்டத்தில் உள்ள முக்தோ தொகுதியில், லுகுதாங் என்ற பகுதி 13 ஆயிரத்து 262 அடிக்கு மேலே அமைந்துள்ளது. அங்கும் வாக்குப்பதிவு நடைபெறுகிறது. இதற்காக, தேர்தல் ஆணைய ஊழியர்கள், வாக்குப் பதிவுக்கு தேவையான உபகரணங்களை சுமந்தபடி, நடந்தே சென்றது குறிப்பிடத்தக்கது.