அதிமுக கூட்டணி கட்சிகளின் தொகுதி பட்டியல் இன்று வெளியீடு

அதிமுக தலைமையிலான கூட்டணி கட்சிகளுக்கான தொகுதி பட்டியல் இன்று வெளியாகிறது.

தமிழகம் மற்றும் புதுச்சேரியை பொருத்தவரை அதிமுக தலைமையில் வலிமையான கூட்டணி அமைந்துள்ளது. இதில் பாமக, பாஜக, தேமுதிக, என்.ஆர்.காங்கிரஸ் உள்ளிட்ட கட்சிகள் இடம்பெற்றுள்ளன. இதனிடையே அதிமுக தலைமையிலான கூட்டணி கட்சிகளுக்கான தொகுதி பங்கீடு அண்மையில் இறுதியானது. இந்தநிலையில் அதிமுக கூட்டணி கட்சிகளுக்கு வழங்கப்பட்டிருக்கும் தொகுதிகள் குறித்த பட்டியல் இன்று வெளியாகிறது. சென்னை கிரவுண் பிளாசாவில் அதிமுக ஒருங்கிணைப்பாளர் ஓ.பன்னீர் செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் தலைமையில் நடைபெறும் நிகழ்ச்சியில் தொகுதி பட்டியல் வெளியிடப்படுகிறது.