பிரதமர் மோடியின் வாழ்க்கை வரலாற்றை சித்தரிக்கும் திரைப்படம் மே 24 ஆம் தேதி வெளியீடு

பிரதமர் மோடியின் வாழ்க்கை வரலாற்றை சித்தரிக்கும் பிஎம் நரேந்திர மோடி திரைப்படம் வரும் 24ஆம் தேதி வெளியிடப்படும் என படக்குழு அறிவித்துள்ளது.

பிரதமர் நரேந்திர மோடியின் இளமைக்கால வாழ்க்கையில் இருந்து நாட்டின் பிரதமராக பதவி ஏற்றது மற்றும் அவர் நிறைவேற்றிய திட்டங்கள் இடம் பெறும் வகையில் ‘பி.எம். நரேந்திர மோடி’ என்ற திரைப்படம் தயாரிக்கப்பட்டுள்ளது. இதில் மோடியின் கதாபாத்திரத்தில் விவேக் ஓபராய் நடித்துள்ளார். நாடாளுமன்ற தேர்தலையொட்டி ‘பி.எம். நரேந்திர மோடி’ படம் வெளியாக தேர்தல் ஆணையம் தரப்பில் எதிர்ப்பு தெரிவிக்கப்பட்டதை அடுத்து, உச்ச நீதிமன்றமும் அதற்கு தடை விதித்திருந்தது. இந்த நிலையில், தேர்தல் முடிவுகள் வரும் 23ஆம் தேதி வெளியாகவுள்ள நிலையில், படத்தை வரும் 24ஆம் தேதி வெளியிட படக்குழு திட்டமிட்டுள்ளது.