மயிலாடுதுறையில் மயூரநாதர் ஆலயம் முன்பு, நடிகர் ஜீவா நடிக்கும் திரைப்படத்திற்காக, மதுபானக்கடை போன்ற செட் அமைத்து, படப்பிடிப்பு நடத்திய இடத்தில், சிலர் தகராறில் ஈடுபட்டதால் பரபரப்பு ஏற்பட்டது.
நடிகர் ஜீவா நடக்கும் சீர் திரைப்படத்தின் படபிடிப்பிற்காக, மயூரநாதர் கோயில் முன்பு, மதுபானக் கடை செட்டிங் அமைத்திருந்தனர். இது குறித்து தகவல் அறிந்து, அங்கு வந்த சிலர், கோயில் முன்பு, மதுபானக் கடை போன்று செட்டிங் அமைக்க கூடாது என்று கூறி தகராறில் ஈடுபட்டனர். மதுபானக் கடை, கோயில் முன்பு இருக்கக்கூடாது என்பதை வலியுறுத்தும் காட்சியைத்தான் படமாக்குகிறோம் என்று திரைப்படக் குழுவினர் கூறியும், அவர்கள் விடவில்லை. இதனிடையே, இது குறித்து தகவல் அறிந்து, சம்பவ இடத்திற்கு வந்த போலீசார், பேச்சுவார்த்தை நடத்தினர். ஆனாலும், அவர்கள் தொடர்ந்து தகராறில் ஈடுபட்டதால், அந்த கடை செட்டிங்கை உடனடியாக அகற்றிய படக்குழுவினர், சாமர்த்தியமாக, அதையே காட்சியாகவும் படமாக்கிக் கொண்டனர். அதன்பின்பு, நடிகர் ஜீவா நடிக்கும் காட்சிகள் கோயில் முன்பு படமாக்கப்பட்டது. இச்சம்பவத்தால் அப்பகுதியில் சிறிது நேரம் பரபரப்பு ஏற்பட்டது.
Discussion about this post