தண்ணீர் தேடி ஊருக்குள் வந்த புள்ளி மான் பலி

விருதுநகர் மாவட்டம் திருச்சுழியில் தண்ணீர் தேடி, ஊருக்குள் வந்த 4 வயது மதிக்கத்தக்க, பெண் புள்ளி மானை தெருநாய்கள் துரத்தியதால் முள்வேலிக்குள் மான் சிக்கியது. தகவல் அறித்த பொதுமக்கள் மானை மீட்டு வனத்துறையினரிடம் ஒப்படைத்தனர். மீட்கப்பட்ட மான் சிகிச்சை பலனின்றி உயிரிழந்தது. இவ்வாறு அடிக்கடி நிகழும் வனவிலங்குகளின் உயிரிழப்பைத் தடுக்க, மாவட்ட நிர்வாகம் நடவடிக்கை எடுக்குமாறு பொதுமக்கள் கோரிக்கை விடுத்தனர்.