ஜூன் 8ல் நடைபெற இருந்த டெட் தேர்வு தேதி மாற்றம்

தமிழகத்தில் வரும் ஜூன் 8 ஆம் நடைபெற இருந்த பி.எட். தேர்வு, ஜூன் 13ஆம் தேதிக்கு மாற்றம் செய்யப்பட்டுள்ளதாக உயர்கல்வித்துறை தெரிவித்துள்ளது.

தமிழகத்தில் ஆசிரியர் கல்வியியல் பல்கலைக்கழகத்தின் இளநிலை, முதுநிலை தேர்வுகள் மே 29ம் தேதியிலிருந்து ஜுன் மாதம் 13ம் தேதி வரையில் நடைபெற உள்ளது. இதனிடையே, ஆசிரியர் தகுதித் தேர்வுகள், ஜூன் 8 மற்றும் 9 ஆகிய தேதிகளில் நடைபெறும் என அறிவிக்கப்பட்டது. ஏற்கனவே, அந்த தேதிகளில் பல்கலைக்கழக பி.எட். தேர்வும் நடைபெறுகிறது. இரு தேர்வுகளும் ஒரே நாளில் வந்ததால், தேர்வு தேதிகளை மாற்றக்கோரி, மாணவர்கள் தரப்பில் கோரிக்கை வைக்கப்பட்டது. அவர்களின் கோரிக்கையை ஏற்று, ஜூன் 8ம் தேதி நடக்கவிருந்த பி.எட் தேர்வு மட்டும், ஜுன் 13ம் தேதி பிற்பகலில் நடைபெறும் என்று உயர்கல்வித்துறை முதன்மை செயலர் மங்கத்ராம் சர்மா தெரிவித்துள்ளார்.