3 வது கட்ட தேர்தலுக்கான பிரசாரம் இன்று மாலை நிறைவு

3வது கட்ட மக்களவைத் தேர்தல் நடைபெறும் தொகுதிகளுக்கான தேர்தல் பிரசாரம் இன்று மாலையுடன் ஓய்கிறது.

கேரளா, கர்நாடகா உள்ளிட்ட 15 மாநிலங்களில் உள்ள 117 தொகுதிகளுக்கான மூன்றாம் கட்ட தேர்தல் வரும் 23 ஆம் தேதி நடைபெறுகிறது.மொத்தம் 1600 வேட்பாளர்கள் மூன்றாவது கட்டத் தேர்தலில் போட்டியிடுகின்றனர். தமிழகத்தின் அண்டை மாநிலமான கேரளாவில் 227 வேட்பாளர்கள் களமிறங்கியுள்ளனர். இதனால் தேர்தல் பிரசாரம் தீவிரமடைந்துள்ளது. இந்நிலையில் மூன்றாவது கட்ட தேர்தலுக்கான பிரசாரம் இன்றுடன் ஓய்கிறது. காங்கிரஸ் தலைவர் ராகுல் காந்தி கேரளாவின் வயநாடு தொகுதியில் போட்டியிடுகிறார். இதனால் இந்த தேர்தல் காங்கிரஸ் கட்சிக்கு மிகுந்த முக்கியத்துவம் வாய்ந்ததாக கருதப்படுகிறது.