இடைத்தேர்தல் 11 மணி நிலவரப்படி 31.68% வாக்குகள் பதிவு

இடைத்தேர்தல் நடைபெற்று வரும் 4 சட்டப்பேரவை தொகுதிகளில் 11 மணி நிலவரப்படி 31.68 சதவீதம் வாக்குப்பதிவாகி உள்ளது

நாடு முழுவதும் 59 மக்களவை தொகுதிகளுக்கு இறுதிக்கட்ட வாக்குப்பதிவு விறுவிறுப்பாக நடைபெற்று வருகிறது. தமிழகத்தில் ஓட்டப்பிடாரம், அரவக்குறிச்சி, திருப்பரங்குன்றம், சூலுர் ஆகிய 4 சட்டப்பேரவை தொகுதிகளுக்கு வாக்குப்பதிவு நடைபெற்று வருகிறது. இதேபோல 13 வாக்குச்சாவடிகளில் மறுவாக்குப்பதிவும் நடைபெற்று வருகிறது.

காலை 11 மணி நிலவரப்படி ஓட்டப்பிடாரம் தொகுதியில் 30 புள்ளி 28 சதவீதம் வாக்குகளும், சூலூர் தொகுதியில் 31 புள்ளி 55 வாக்குகளும் பதிவாகியுள்ளது. இதேபோல திருப்பரங்குன்றம் தொகுதியில் 30 புள்ளி 02 சதவீதம் வாக்குகளும், அரவக்குறிச்சியில் 34 புள்ளி 89 சதவீதம் வாக்குகளும் பதிவாகியுள்ளது.