வசூலில் சாதனை படைக்கும் அவெஞ்சர்ஸ் எண்ட்கேம் திரைப்படம்

மார்வெல் சூப்பர் ஹீரோ திரைப்படமான அவெஞ்சர்ஸ் எண்ட்கேம் இந்தியாவில் மட்டும் 53 கோடிக்கும் மேல் வசூல் செய்து சாதனை படைத்துள்ளது.

ஹாலிவுட்டின் பிரபல இயக்குனர்களான ஆண்டனி ருஸோ, ஜோ ருஸோ இயக்கத்தில் வெளியான மார்வெல் சூப்பர் ஹீரோ திரைப்படம் அவெஞ்சர்ஸ் எண்ட்கேம். அவெஞ்சர்ஸ் சீரீஸ் திரைப்படங்களில் கடைசி திரைப்படம் இது என்பதால் இப்படத்திற்கு மிகப்பெரிய எதிர்பார்ப்பு இருந்தது. இந்நிலையில், வெள்ளிக்கிழமையன்று வெளியான இந்த திரைப்படம் இந்தியாவில் வெளியாகும் பிற மொழி படங்களின் சாதனையை முறியடித்து இந்தியாவில் மட்டும் 53 கோடியே 10 லட்சம் ரூபாய்க்கு மேல் வசூல் செய்து சாதனை படைத்துள்ளது. கடந்த ஆண்டு ரிலீஸான அவெஞ்சர்ஸ் இன்ஃப்னிட்டி வார் திரைப்படத்தின் முதல் நாள் வசூலான 31 கோடியே 30 லட்சம் ரூபாயை இந்த திரைப்படம் முறியடித்துள்ளது. மேலும், தமிழகத்தைப் பொறுத்தவரை ஐந்து கோடிக்கும் மேல் வசூல் செய்தும் பிரமிக்க வைத்துள்ளது. 46 நாடுகளில் வெளியாகியுள்ள இந்த திரைப்படம் இதற்கு முந்தைய மார்வெல் திரைப்பட வசூல்களை முறியடித்து முதல் நாளிலேயே ஆயிரத்து 186 கோடி வசூல் செய்து சாதனை படைத்துள்ளது.